行街嘅時候口渴，見呢間鋪幾靚，就隨便買杯野試下，點知好飲到我要為佢食我嘅第一篇食評，贏左Comebuy Tea成為我的最愛😱

芝士、桂花、烏龍簡直係完美組合！

第一啖淨係飲茶，桂花烏龍味非常平衡，兩隻味都好出，茶底正過comebuy tea。

攪兩下再飲，超surprise！芝士奶蓋加上桂花烏龍，清甜又滑漏，竟然變成少少似椰汁味，超好味！

再用口飲，芝士奶蓋好濃厚，重奶味但唔重芝士味。

不過一杯茶成40蚊，真係有啲貴，但聽講佢啲茶葉係靚野，咁間中飲下啦🙈

總結，最驚喜嘅係芝士奶蓋上桂花烏龍變成椰汁甜味; 成杯茶好fresh，飲完唔會成口糖，真解渴。